pas-e-iKHlas saKHt hai taklif

pās-e-iḳhlās saḳht hai taklīf

tā-kujā ḳhātir-e-vazī-o-sharīf

chashm o dil se na thī ye chashm hameñ

ki na girya ke ho sakeñge harīf

sub.h tak thā vahīñ ye muḳhlis bhī

aap rakhte the shab jahāñ tashrīf

mujh se tujh bin gayā jo fasl-e-rabī

kab ye ashjār se kare hai ḳharīf

yuuñ kabhū tū ne mai na dī saaqī

nā-e-hulqūm ko samajhte qiif

apne ta.iiñ aap vo nahīñ paate

fikr meñ tujh kamar kī haiñ jo za.iif

kyuuñ na vaahī ho sher 'qā.em' kā

hai divāne kī āḳhirash tasnīf

pas-e-iKHlas saKHt hai taklif

ta-kuja KHatir-e-wazi-o-sharif

chashm o dil se na thi ye chashm hamein

ki na girya ke ho sakenge harif

subh tak tha wahin ye muKHlis bhi

aap rakhte the shab jahan tashrif

mujh se tujh bin gaya jo fasl-e-rabi

kab ye ashjar se kare hai KHarif

yun kabhu tu ne mai na di saqi

na-e-hulqum ko samajhte qif

apne tain aap wo nahin pate

fikr mein tujh kamar ki hain jo zaif

kyun na wahi ho sher 'qaem' ka

hai diwane ki aaKHirash tasnif