pas-e-namus-e-tamanna har ek aazar mein tha

pās-e-nāmūs-e-tamannā har ik āzār meñ thā

nashsha-e-nig.hat-e-gul bhī ḳhalish-e-ḳhār meñ thā

kis se kahiye ki zamāne ko garāñ guzrā hai

vo fasāna ki mirī hasrat-e-guftār meñ thā

dil ki aatā hī nahīñ tark-e-tamannā kī taraf

koī iqrār kā pahlū tire inkār meñ thā

kuchh tujhe yaad hai ai chashm-e-zuleḳhā-e-jahāñ

ham sā yūsuf bhī koī misr ke bāzār meñ thā

zindagī jā na sakī shām-o-sahar se aage

saarā aalam isī ā.īna-e-takrār meñ thā

umr bhar chashm-e-tamāshā ko rahī jis kī talāsh

'hosh' vo husn-e-gurezāñ mire ash.ār meñ thā

pas-e-namus-e-tamanna har ek aazar mein tha

nashsha-e-nighat-e-gul bhi KHalish-e-KHar mein tha

kis se kahiye ki zamane ko garan guzra hai

wo fasana ki meri hasrat-e-guftar mein tha

dil ki aata hi nahin tark-e-tamanna ki taraf

koi iqrar ka pahlu tere inkar mein tha

kuchh tujhe yaad hai ai chashm-e-zuleKHa-e-jahan

hum sa yusuf bhi koi misr ke bazar mein tha

zindagi ja na saki sham-o-sahar se aage

sara aalam isi aaina-e-takrar mein tha

umr bhar chashm-e-tamasha ko rahi jis ki talash

'hosh' wo husn-e-gurezan mere ashaar mein tha