pas jis ke na tha kuchh raKHt-e-safar main hi tha

paas jis ke na thā kuchh raḳht-e-safar maiñ hī thā

raat ke dasht meñ be-ḳhauf-o-ḳhatar maiñ hī thā

duur tak dā.era-dar-dā.era ġharqāb huā

sīna-e-shab meñ siyāhī kā bhañvar maiñ hī thā

baar se aaj har ik shāḳh jhukī jaatī hai

yā chaman meñ kabhī be-barg-o-samar maiñ hī thā

mere atrāf sadāoñ kā ghanā jañgal thā

tez āñdhī meñ bikharne ko magar maiñ hī thā

jaane vo kaun thā maiñ DhūñD rahā thā jis ko

jo mire sāmne aayā thā agar maiñ hī thā

pas jis ke na tha kuchh raKHt-e-safar main hi tha

raat ke dasht mein be-KHauf-o-KHatar main hi tha

dur tak daera-dar-daera gharqab hua

sina-e-shab mein siyahi ka bhanwar main hi tha

bar se aaj har ek shaKH jhuki jati hai

ya chaman mein kabhi be-barg-o-samar main hi tha

mere atraf sadaon ka ghana jangal tha

tez aandhi mein bikharne ko magar main hi tha

jaane wo kaun tha main DhunD raha tha jis ko

jo mere samne aaya tha agar main hi tha