pasbanon pasbani dekh li

pāsbānoñ pāsbānī dekh lī

har nazar kī mehrbānī dekh lī

aa.e bole hañs diye phir chal paḌe

chaar roza zindagānī dekh lī

ab chaman kā rang rangīñ ho chukā

bāġhbāñ kī bāġhbānī dekh lī

gul kā dāman chaak dekhā raat ko

sub.h ko phir nauha-ḳhvānī dekh lī

mālī-e-gulshan kā vo zulm-o-sitam

bulbuloñ kī be-zabānī dekh lī

jin laboñ se jā mile the lab mire

un laboñ kī gul-fishānī dekh lī

be-ḳhudī meñ chāñdnī samjhā kiye

hosh meñ sab zulm-rānī dekh lī

is qadar maġhrūr but kā kyā sabab

ya.anī umr-e-jāvedānī dekh lī

jo mere the ruḳh ko phere chal diye

mujh meñ koī nā-tavānī dekh lī

ham-safīroñ se pareshāñ ho gayā

ruk ga.e jab raat raanī dekh lī

is shabābī daur pe kab tak hai naaz

saare aalam kī javānī dekh lī

sunte the 'rahbar' tirī biptā kahāñ

yuuñ tirī jādū-bayānī dekh lī

pasbanon pasbani dekh li

har nazar ki mehrbani dekh li

aae bole hans diye phir chal paDe

chaar roza zindagani dekh li

ab chaman ka rang rangin ho chuka

baghban ki baghbani dekh li

gul ka daman chaak dekha raat ko

subh ko phir nauha-KHwani dekh li

mali-e-gulshan ka wo zulm-o-sitam

bulbulon ki be-zabani dekh li

jin labon se ja mile the lab mere

un labon ki gul-fishani dekh li

be-KHudi mein chandni samjha kiye

hosh mein sab zulm-rani dekh li

is qadar maghrur but ka kya sabab

yani umr-e-jawedani dekh li

jo mere the ruKH ko phere chal diye

mujh mein koi na-tawani dekh li

ham-safiron se pareshan ho gaya

ruk gae jab raat rani dekh li

is shababi daur pe kab tak hai naz

sare aalam ki jawani dekh li

sunte the 'rahbar' teri bipta kahan

yun teri jadu-bayani dekh li