pate hain kuchh kami si taswir-e-zindagi mein

paate haiñ kuchh kamī sī tasvīr-e-zindagī meñ

kyā naqsh chhoḌ aa.e ham dasht-e-be-ḳhudī meñ

zinjīr-e-āgahī se shamshīr-e-āgahī tak

kyā kyā maqām aa.e dil kī sipah-garī meñ

jī dekhne ko tarse dekhūñ to kis nazar se

tūfān-e-ḳhīrgī hai jalvoñ kī raushnī meñ

hastī bajā.e ḳhud hai ik kār-gāh-e-hastī

ham mast-bandagī meñ vo banda-parvarī meñ

DhūñDe se bhī na paa.ī sadiyoñ kī justujū ne

shāmil thī jo tajallī tartīb-e-unsurī meñ

vo shai kahāñ hai pinhāñ ai mauj-e-āb-e-haivāñ

jo vaj.h-e-sar-ḳhushī thī barsoñ kī tishnagī meñ

pate hain kuchh kami si taswir-e-zindagi mein

kya naqsh chhoD aae hum dasht-e-be-KHudi mein

zinjir-e-agahi se shamshir-e-agahi tak

kya kya maqam aae dil ki sipah-gari mein

ji dekhne ko tarse dekhun to kis nazar se

tufan-e-KHirgi hai jalwon ki raushni mein

hasti bajae KHud hai ek kar-gah-e-hasti

hum mast-bandagi mein wo banda-parwari mein

DhunDe se bhi na pai sadiyon ki justuju ne

shamil thi jo tajalli tartib-e-unsuri mein

wo shai kahan hai pinhan ai mauj-e-ab-e-haiwan

jo wajh-e-sar-KHushi thi barson ki tishnagi mein