pachhtane se kya hasil pachhtane se kya hoga
pachhtāne se kyā hāsil pachhtāne se kyā hogā
kuchh tū ne kiyā hogā kuchh tujh se huā hogā
jiine kā maza jab hai jiine kā ho kuchh hāsil
yuuñ laakh jiye koī to jiine se kyā hogā
pursish kī nahīñ hājat pursish kī zarūrat kyā
ma.alūm hai sab tujh ko jo kuchh bhī huā hogā
jab tak hai ḳhudī dil meñ hogī na pazīrā.ī
be-kār haiñ ye sajde in sajdoñ se kyā hogā
jaisī bhī guzartī hai ai 'rāz' guzartī hai
āġhāz-e-mohabbat hai anjām meñ kyā hogā
pachhtane se kya hasil pachhtane se kya hoga
kuchh tu ne kiya hoga kuchh tujh se hua hoga
jine ka maza jab hai jine ka ho kuchh hasil
yun lakh jiye koi to jine se kya hoga
pursish ki nahin hajat pursish ki zarurat kya
malum hai sab tujh ko jo kuchh bhi hua hoga
jab tak hai KHudi dil mein hogi na pazirai
be-kar hain ye sajde in sajdon se kya hoga
jaisi bhi guzarti hai ai 'raaz' guzarti hai
aaghaz-e-mohabbat hai anjam mein kya hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
