paDe hain mast bhi saqi ayagh ke nazdik

paḌe haiñ mast bhī saaqī ayāġh ke nazdīk

hujūm par haiñ patañge charāġh ke nazdīk

hamāre ashk miTāte haiñ dāġh-e-dil kī bahār

ye āb-e-shor kī nahreñ haiñ baaġh ke nazdīk

safā.ī yaar se mele meñ ho ga.ī apnī

malāl duur huā aish-bāġh ke nazdīk

vo dil-jale haiñ ki aa.e 'mehr' ThanDā karne ko

havā na aa ke hamāre charāġh ke nazdīk

paDe hain mast bhi saqi ayagh ke nazdik

hujum par hain patange charagh ke nazdik

hamare ashk miTate hain dagh-e-dil ki bahaar

ye aab-e-shor ki nahren hain bagh ke nazdik

safai yar se mele mein ho gai apni

malal dur hua aish-bagh ke nazdik

wo dil-jale hain ki aae 'mehr' ThanDa karne ko

hawa na aa ke hamare charagh ke nazdik