paDh lega koi raat ki roi hui aankhen

paḌh legā koī raat kī roī huī āñkheñ

har samt haiñ ārām se soī huī āñkheñ

jin logoñ kī manzil pe nazar hotī hai har dam

un kā hī tamāshā haiñ ye khoī huī āñkheñ

din bhar to jame rahte haiñ palkoñ pe vahī ḳhvāb

kyoñ hosh meñ laatī nahīñ dhoī huī āñkheñ

āñkhoñ kā jamāl aap ko ma.alūm hī kyā hai

dekhīñ haiñ kabhī raat vo soī huī āñkheñ

dil hai ki tujhe paa.eñ bikhar jaa.eñ ai maulā

bīnā.ī ke dhāge meñ piroī huī āñkheñ

kuchh bhī na dikhā mo.ajiza thā hī yahī 'āmir'

kholī ga.iiñ zamzam se bhigoī huī āñkheñ

paDh lega koi raat ki roi hui aankhen

har samt hain aaram se soi hui aankhen

jin logon ki manzil pe nazar hoti hai har dam

un ka hi tamasha hain ye khoi hui aankhen

din bhar to jame rahte hain palkon pe wahi KHwab

kyon hosh mein lati nahin dhoi hui aankhen

aankhon ka jamal aap ko malum hi kya hai

dekhin hain kabhi raat wo soi hui aankhen

dil hai ki tujhe paen bikhar jaen ai maula

binai ke dhage mein piroi hui aankhen

kuchh bhi na dikha moajiza tha hi yahi 'amir'

kholi gain zamzam se bhigoi hui aankhen