paDh rahe the wo lab-e-hur hamara qissa

paḌh rahe the vo lab-e-hūr hamārā qissa

yuuñ hī thoḌī huā mash.hūr hamārā qissa

sirf ik aib nikālā thā ġhalat-fahmī ne

ho gayā ham se bahut duur hamārā qissa

āgīñ yādeñ tirī haath meñ marham le kar

jab bhī banñe lagā nāsūr hamārā qissa

ham vo jugnūñ haiñ kisī vaqt kisī se sun kar

ro paḌī thī shab-e-dījūr hamārā qissa

ḳhāmushī ne unheñ hoñToñ pe kiyā apnā qayām

yaad jin jin ko thā bharpūr hamārā qissa

'faiz' jo peḌ lagāyā hai adab kā ham ne

jaarī rakhegā ba-dastūr hamārā qissa

paDh rahe the wo lab-e-hur hamara qissa

yun hi thoDi hua mashhur hamara qissa

sirf ek aib nikala tha ghalat-fahmi ne

ho gaya hum se bahut dur hamara qissa

aagin yaaden teri hath mein marham le kar

jab bhi banne laga nasur hamara qissa

hum wo jugnun hain kisi waqt kisi se sun kar

ro paDi thi shab-e-dijur hamara qissa

KHamushi ne unhen honTon pe kiya apna qayam

yaad jin jin ko tha bharpur hamara qissa

'faiz' jo peD lagaya hai adab ka hum ne

jari rakhega ba-dastur hamara qissa