paDhta hi nahin wo kabhi tahrir hamari

paḌhtā hī nahīñ vo kabhī tahrīr hamārī

ai kātib-e-taqdīr ye taqdīr hamārī

sunñe to chale aa.e ho rūdād-e-qafas tum

zanjīr na kar le tumheñ zanjīr hamārī

har baar banātā hai salīqe se musavvir

har baar bigaḌ jaatī hai tasvīr hamārī

afsos ki us vaqt bhī ham vaqt pe aa.e

jab dekhne aa.e the vo tāḳhīr hamārī

'sharjīl' hameñ raat kisī ḳhvāb ne dekhā

phir DhūñDne niklī hameñ tā'bīr hamārī

paDhta hi nahin wo kabhi tahrir hamari

ai katib-e-taqdir ye taqdir hamari

sunne to chale aae ho rudad-e-qafas tum

zanjir na kar le tumhein zanjir hamari

har bar banata hai saliqe se musawwir

har bar bigaD jati hai taswir hamari

afsos ki us waqt bhi hum waqt pe aae

jab dekhne aae the wo taKHir hamari

'sharjil' hamein raat kisi KHwab ne dekha

phir DhunDne nikli hamein ta'bir hamari