paDi jab kisi ki nigah-e-mohabbat

paḌī jab kisī kī nigāh-e-mohabbat

milī ahl-e-ulfat ko rāh-e-mohabbat

sitam hai qayāmat hai āh-e-mohabbat

mirī samt hogī nigāh-e-mohabbat

hazāroñ hasīñ jam.a aa kar hue haiñ

ye mahshar hai yā jalva-gāh-e-mohabbat

vo ahl-e-tamannā ko pahchān leñge

ki chhuptī nahīñ hai nigāh-e-mohabbat

'vafā' is se vāqif nahīñ vo sitamgar

ġhazab Dhā.egī merī āh-e-mohabbat

paDi jab kisi ki nigah-e-mohabbat

mili ahl-e-ulfat ko rah-e-mohabbat

sitam hai qayamat hai aah-e-mohabbat

meri samt hogi nigah-e-mohabbat

hazaron hasin jama aa kar hue hain

ye mahshar hai ya jalwa-gah-e-mohabbat

wo ahl-e-tamanna ko pahchan lenge

ki chhupti nahin hai nigah-e-mohabbat

'wafa' is se waqif nahin wo sitamgar

ghazab Dhaegi meri aah-e-mohabbat