paDi jo shoala-e-ruKH par nazar mein aag lagi

paḌī jo sho.ala-e-ruḳh par nazar meñ aag lagī

misāl-e-tūr jalā dil jigar meñ aag lagī

zavāl ahl-e-hunar ko hunar ke saath huā

suḳhan pe os paḌī aur hunar meñ aag lagī

huā itaab se surḳh us nigār kā chehra

ġhazab huā ki dil-e-fitna-gar meñ aag lagī

baḌe-baḌoñ ko havā-o-havas ne ḳhvār kiyā

hue nifāq se barbād ghar meñ aag lagī

jigar ko soz-e-nihāñ ne jalā diyā 'raushan'

huī jo ashk-fishāñ chashm-e-tar meñ aag lagī

paDi jo shoala-e-ruKH par nazar mein aag lagi

misal-e-tur jala dil jigar mein aag lagi

zawal ahl-e-hunar ko hunar ke sath hua

suKHan pe os paDi aur hunar mein aag lagi

hua itab se surKH us nigar ka chehra

ghazab hua ki dil-e-fitna-gar mein aag lagi

baDe-baDon ko hawa-o-hawas ne KHwar kiya

hue nifaq se barbaad ghar mein aag lagi

jigar ko soz-e-nihan ne jala diya 'raushan'

hui jo ashk-fishan chashm-e-tar mein aag lagi