paDi jo zarb-e-talatum rag-e-hasin pe ek

paḌī jo zarb-e-talātum rag-e-hasīn pe ek

maiñ āsmāñ meñ ka.ī thā girā zamīn pe ek

kahīñ qarīb phaTaktā na thā mirā saaya

liye uqaab vo chaltā thā āstīn pe ek

simaT simaT gayā har vāqiye kā pairāhan

na thī tilism kī tah chashm-e-ḳhurdbīn pe ek

akelā ḳhud thā mujhe kyoñ qusūr-vār kiyā

likhā jo sho.ala-e-javvāla se jabīn pe ek

rutoñ ko kuchh na milā ek zā.iqe ke sivā

nahīf jism ye bhārī kabhī thā tiin pe ek

libās taj ke ajab bebasī meñ the ashjār

vo azhdahā sā taḌaptā rahā zamīn pe ek

usī ke shor ke pīchhe garajte the bādal

ajiib buuñd thī Tapkī thī ghar ke Tiin pe ek

paDi jo zarb-e-talatum rag-e-hasin pe ek

main aasman mein kai tha gira zamin pe ek

kahin qarib phaTakta na tha mera saya

liye uqab wo chalta tha aastin pe ek

simaT simaT gaya har waqiye ka pairahan

na thi tilism ki tah chashm-e-KHurdbin pe ek

akela KHud tha mujhe kyon qusur-war kiya

likha jo shoala-e-jawwala se jabin pe ek

ruton ko kuchh na mila ek zaiqe ke siwa

nahif jism ye bhaari kabhi tha tin pe ek

libas taj ke ajab bebasi mein the ashjar

wo azhdaha sa taDapta raha zamin pe ek

usi ke shor ke pichhe garajte the baadal

ajib bund thi Tapki thi ghar ke Tin pe ek