pae-gunah hai teri panah ki taKHsis

pa.e-gunāh hai terī panāh kī taḳhsīs

ki hai tujhī pe har ik dād-ḳhvāh kī taḳhsīs

jo aap samjhe haiñ mujrim hameñ to kuchh nahīñ Dar

ki kī hai aap hī ne do gavāh kī taḳhsīs

firāq-e-yār meñ be-ro.e ban nahīñ paḌtī

asar ke vāste kar dī hai aah kī taḳhsīs

na dil churāte hamārā na tum ḳhajil hote

pa.e-hijāb hai nīchī nigāh kī taḳhsīs

dikhāve aur koī apnā yaar zohra-jabīñ

jo āsmāñ nahīñ us rashk-e-māh kī taḳhsīs

pahuñch hī jaate kabhī phir phirā ke dar pe tire

ye tū ne kaahe ko kī ek raah kī taḳhsīs

tamām ḳhalq-e-ḳhudā tujh ko chāhne lagtī

lagā na detā agar tū panāh kī taḳhsīs

vo mujh se kahte haiñ tum chāhte nahīñ mujh ko

mire Dubone ko karte haiñ chaah kī taḳhsīs

hai terī zarra-navāzī kī ye dalīl adnā

ki āsmāñ ke hai ham-rāh jaah kī taḳhsīs

pae-gunah hai teri panah ki taKHsis

ki hai tujhi pe har ek dad-KHwah ki taKHsis

jo aap samjhe hain mujrim hamein to kuchh nahin Dar

ki ki hai aap hi ne do gawah ki taKHsis

firaq-e-yar mein be-roe ban nahin paDti

asar ke waste kar di hai aah ki taKHsis

na dil churaate hamara na tum KHajil hote

pae-hijab hai nichi nigah ki taKHsis

dikhawe aur koi apna yar zohra-jabin

jo aasman nahin us rashk-e-mah ki taKHsis

pahunch hi jate kabhi phir phira ke dar pe tere

ye tu ne kahe ko ki ek rah ki taKHsis

tamam KHalq-e-KHuda tujh ko chahne lagti

laga na deta agar tu panah ki taKHsis

wo mujh se kahte hain tum chahte nahin mujh ko

mere Dubone ko karte hain chah ki taKHsis

hai teri zarra-nawazi ki ye dalil adna

ki aasman ke hai ham-rah jah ki taKHsis