pahaD hone ka sara ghurur kanp uTha

pahāḌ hone kā saarā ġhurūr kaañp uThā

bas ik zarā sī tajallī se tuur kaañp uThā

havā ne jaise hī tevar dikhā.e haiñ apne

nikal rahā thā diye se jo nuur kaañp uThā

paḌhī jo jabr-o-tashaddud kī dāstān kahīñ

kabhī shu.ūr kabhī lā-shu.ūr kaañp uThā

laboñ pe aa na sakī apne dil kī ek bhī baat

ki jab bhī pahuñchā maiñ us ke huzūr kaañp uThā

sazā kuchh aisī milī ek be-qusūr ko aaj

huā thā asl meñ jis se qusūr kaañp uThā

pahaD hone ka sara ghurur kanp uTha

bas ek zara si tajalli se tur kanp uTha

hawa ne jaise hi tewar dikhae hain apne

nikal raha tha diye se jo nur kanp uTha

paDhi jo jabr-o-tashaddud ki dastan kahin

kabhi shuur kabhi la-shuur kanp uTha

labon pe aa na saki apne dil ki ek bhi baat

ki jab bhi pahuncha main us ke huzur kanp uTha

saza kuchh aisi mili ek be-qusur ko aaj

hua tha asl mein jis se qusur kanp uTha