pahchan mein na aae the itne bhare hue

pahchān meñ na aa.e the itne bhare hue

ham ḳhvāhishoñ ke malbe meñ dab kar mare hue

ai shaḳhs tū ne ġhaur se dekhā nahīñ hameñ

ham log to vahī haiñ tire radd kare hue

pī pī ke bhī vo tujh ko na aaya bahār par

ham haiñ ki dekh dekh ke tujh ko hare hue

vo ḳhush-nasīb dil meñ sajāyā gayā use

ham rah ga.e jahāñ ke vahīñ par dhare hue

baiThe hue haiñ sahm ke bazm-e-jahāñ meñ ham

kartūt-e-ahl-e-bazm-e-jahāñ se Dare hue

pahchan mein na aae the itne bhare hue

hum KHwahishon ke malbe mein dab kar mare hue

ai shaKHs tu ne ghaur se dekha nahin hamein

hum log to wahi hain tere radd kare hue

pi pi ke bhi wo tujh ko na aaya bahaar par

hum hain ki dekh dekh ke tujh ko hare hue

wo KHush-nasib dil mein sajaya gaya use

hum rah gae jahan ke wahin par dhare hue

baiThe hue hain sahm ke bazm-e-jahan mein hum

kartut-e-ahl-e-bazm-e-jahan se Dare hue