pahle baaten pyari pyari karta hai

pahle bāteñ pyārī pyārī kartā hai

phir vo diloñ par dahshat taarī kartā hai

maiñ is kī har chaal se vāqif huuñ lekin

ba.az auqāt ye dil ġhaddārī kartā hai

dil meñ bhale is fitne ke khoT bharā hai

bātoñ se lekin dildārī kartā hai

maiñ bhī nā-shā.ista harakat kartā huuñ

aur vo bhī bāteñ bāzārī kartā hai

merā bhī koī dīn-o-īmān nahīñ

vo bhī saare shahr se yaarī kartā hai

ek adā roz na.ī kartā hai ījād

roz na.e Dhañg se ayyārī kartā hai

sunte haiñ sab hī kī baarī aatī hai

sab ko zalīl vo baarī baarī kartā hai

pahle baaten pyari pyari karta hai

phir wo dilon par dahshat tari karta hai

main is ki har chaal se waqif hun lekin

baz auqat ye dil ghaddari karta hai

dil mein bhale is fitne ke khoT bhara hai

baaton se lekin dildari karta hai

main bhi na-shaista harakat karta hun

aur wo bhi baaten bazari karta hai

mera bhi koi din-o-iman nahin

wo bhi sare shahr se yari karta hai

ek ada roz nai karta hai ijad

roz nae Dhang se ayyari karta hai

sunte hain sab hi ki bari aati hai

sab ko zalil wo bari bari karta hai