pahle hota agar shuur itna

pahle hotā agar shu'ūr itnā

shīsha-e-dil na hotā chuur itnā

'ishq is se hī thā huā ehsās

ho gayā jab vo mujh se duur itnā

kah na paa.e ki be-qusūr haiñ ham

ho gayā ham se bas qusūr itnā

ḳhvāb meñ bhī safar nahīñ hotā

jism hai ab thakan se chuur itnā

tū bhī miTTī kā ek putlā hai

kis liye hai tujhe ġhurūr itnā

lauT aanā bhī ab nahīñ mumkin

jā chukā hai vo ham se duur itnā

maut ke vaqt paas aa jaanā

kaam karnā mirā zarūr itnā

pahle hota agar shu'ur itna

shisha-e-dil na hota chur itna

'ishq is se hi tha hua ehsas

ho gaya jab wo mujh se dur itna

kah na pae ki be-qusur hain hum

ho gaya hum se bas qusur itna

KHwab mein bhi safar nahin hota

jism hai ab thakan se chur itna

tu bhi miTTi ka ek putla hai

kis liye hai tujhe ghurur itna

lauT aana bhi ab nahin mumkin

ja chuka hai wo hum se dur itna

maut ke waqt pas aa jaana

kaam karna mera zarur itna