pahle hua jo karte the hum wo nahin rahe

pahle huā jo karte the ham vo nahīñ rahe

dekho shab-e-firāq hai aur ro nahīñ rahe

aisī bhī ro rahe haiñ unheñ jo nahīñ rahe

pahle se mo.ajize to kahīñ ho nahīñ rahe

yaaro dikhāo phir koī aisā hunar ki bas

ġhairoñ kī koī fikr hī ham ko nahīñ rahe

ash.ār se ayaañ haiñ to ash.ār mat paḌho

ham dil ke daaġh tum ko dikhā to nahīñ rahe

tadbīr bhī hai jaan bhī hai maslahat bhī hai

rahnā na thā bas ek hameñ so nahīñ rahe

ham ġhair aur vo sabhī apnī jagah pe haiñ

bas yuuñ kaho miyāñ ki ġhazal-go nahīñ rahe

pahle hua jo karte the hum wo nahin rahe

dekho shab-e-firaq hai aur ro nahin rahe

aisi bhi ro rahe hain unhen jo nahin rahe

pahle se moajize to kahin ho nahin rahe

yaro dikhao phir koi aisa hunar ki bas

ghairon ki koi fikr hi hum ko nahin rahe

ashaar se ayan hain to ashaar mat paDho

hum dil ke dagh tum ko dikha to nahin rahe

tadbir bhi hai jaan bhi hai maslahat bhi hai

rahna na tha bas ek hamein so nahin rahe

hum ghair aur wo sabhi apni jagah pe hain

bas yun kaho miyan ki ghazal-go nahin rahe