pahle na uDaya kisi bekas ke jigar ko

pahle na uḌāyā kisī bekas ke jigar ko

par ham ne lagā.e haiñ tire tīr-e-nazar ko

hai tīr-e-nigah bazm-e-adū meñ mirī jānib

ġhusse meñ chhupāyā hai mohabbat kī nazar ko

kyuuñ ātish-e-gul baaġh meñ hai tez ki ham aap

uTh jā.eñge ai shabnam-e-shādāb sahar ko

din raat kā farq un kī mohabbat meñ hai ab to

va.ada to kiyā shaam kā aur aa.e sahar ko

dil chiiz hai kyā jaan bhī duuñ ishq meñ 'sābir'

maiñ naf.a samajhtā huuñ mudām aise zarar ko

pahle na uDaya kisi bekas ke jigar ko

par hum ne lagae hain tere tir-e-nazar ko

hai tir-e-nigah bazm-e-adu mein meri jaanib

ghusse mein chhupaya hai mohabbat ki nazar ko

kyun aatish-e-gul bagh mein hai tez ki hum aap

uTh jaenge ai shabnam-e-shadab sahar ko

din raat ka farq un ki mohabbat mein hai ab to

wada to kiya sham ka aur aae sahar ko

dil chiz hai kya jaan bhi dun ishq mein 'sabir'

main nafa samajhta hun mudam aise zarar ko