پہلے تو داستان مکمل دکھا کوئی

پہلے تو داستان مکمل دکھا کوئی

پھر ایک سے ہی کیا ہو مسلسل دکھا کوئی

ٹوٹا ہے آج آج جو اس کو میں رو تو لوں

اے زندگی تو خواب نیا کل دکھا کوئی

کیا ہیں مصیبتیں یہ بتانے کا شکریہ

اب یہ بتاؤ ان کا تمہیں حل دکھا کوئی

وہ حال دل سنا کے مجھے رویا دیر تک

جب میں نے بس کہا تھا کہ جنگل دکھا کوئی

مجھ کو بھی غم سے نام کمانا سکھا ذرا

جو شاعری کے ریل ہیں وائرل دکھا کوئی

دنیا جہاں کو چھان لیا ہے مگر کہیں

فانیؔ تمہارے جیسا نہ پاگل دکھا کوئی