pahle to dastan mukammal dikha koi

pahle to dāstān mukammal dikhā koī

phir ek se hī kyā ho musalsal dikhā koī

TuuTā hai aaj aaj jo is ko maiñ ro to luuñ

ai zindagī tū ḳhvāb nayā kal dikhā koī

kyā haiñ musībateñ ye batāne kā shukriya

ab ye batāo in kā tumheñ hal dikhā koī

vo hāl-e-dil sunā ke mujhe royā der tak

jab maiñ ne bas kahā thā ki jangal dikhā koī

mujh ko bhī ġham se naam kamānā sikhā zarā

jo shā'irī ke reel haiñ viral dikhā koī

duniyā jahāñ ko chhān liyā hai magar kahīñ

'fānī' tumhāre jaisā na pāgal dikhā koī

pahle to dastan mukammal dikha koi

phir ek se hi kya ho musalsal dikha koi

TuTa hai aaj aaj jo is ko main ro to lun

ai zindagi tu KHwab naya kal dikha koi

kya hain musibaten ye batane ka shukriya

ab ye batao in ka tumhein hal dikha koi

wo haal-e-dil suna ke mujhe roya der tak

jab main ne bas kaha tha ki jangal dikha koi

mujh ko bhi gham se nam kamana sikha zara

jo sha'iri ke reel hain wiral dikha koi

duniya jahan ko chhan liya hai magar kahin

'fani' tumhaare jaisa na pagal dikha koi