pahle to dard-e-dil ka KHulasa kare koi

pahle to dard-e-dil kā ḳhulāsa kare koī

tab un se sharh-e-hāl-e-tamannā kare koī

dard-e-jigar kā pahle mudāvā kare koī

jab tū masīh hone kā da.avā kare koī

mumkin nahīñ ki safha-e-hastī pe mil sake

mere nishān-e-qabr ko DhūñDhā kare koī

badle na karvaTeñ bhī koī farsh-e-ḳhvāb par

ġham se taḌap taḌap ke saverā kare koī

sunñā hai dard-e-dil kī mire dāstāñ agar

patthar kā pahle apnā kaleja kare koī

shām-e-shab-e-firāq hai tākīd-e-zabt-e-āh

dil meñ uThe jo dard to phir kyā kare koī

ḳhāmosh is tarah se hue sakinān-e-qabr

dete nahīñ javāb pukārā kare koī

'sho.ala' muhāl hai ki baḌhe dil kī raushnī

jab tak ḳhayāl-e-dost na paidā kare koī

pahle to dard-e-dil ka KHulasa kare koi

tab un se sharh-e-haal-e-tamanna kare koi

dard-e-jigar ka pahle mudawa kare koi

jab tu masih hone ka dawa kare koi

mumkin nahin ki safha-e-hasti pe mil sake

mere nishan-e-qabr ko DhunDha kare koi

badle na karwaTen bhi koi farsh-e-KHwab par

gham se taDap taDap ke sawera kare koi

sunna hai dard-e-dil ki mere dastan agar

patthar ka pahle apna kaleja kare koi

sham-e-shab-e-firaq hai takid-e-zabt-e-ah

dil mein uThe jo dard to phir kya kare koi

KHamosh is tarah se hue sakinan-e-qabr

dete nahin jawab pukara kare koi

'shoala' muhaal hai ki baDhe dil ki raushni

jab tak KHayal-e-dost na paida kare koi