pahle to ghair meri samt se bhar dete hain

pahle to ġhair mirī samt se bhar dete haiñ

phir mujhe sāmne us shoḳh ke kar dete haiñ

dast-e-sā.il kī tarah shāḳheñ baḌhī aatī haiñ

bostāñ meñ tujhe nazreñ gul-e-tar dete haiñ

rāt-bhar chain se so.e jo mire pahlū meñ

gāliyāñ kyoñ vo mujhe vaqt-e-sahar dete haiñ

aur log un se jo milte haiñ to ḳhush rahte haiñ

jānñe vāloñ kā dam naak meñ kar dete haiñ

kyā guzartī hai ḳhudā jaane adam vāloñ par

vaañ se ḳhat bhejte haiñ ye na ḳhabar dete haiñ

bosa māñgo to sahī hazrat-e-'gustāḳh' un se

pahle vo karte haiñ inkār magar dete haiñ

pahle to ghair meri samt se bhar dete hain

phir mujhe samne us shoKH ke kar dete hain

dast-e-sail ki tarah shaKHen baDhi aati hain

bostan mein tujhe nazren gul-e-tar dete hain

raat-bhar chain se soe jo mere pahlu mein

galiyan kyon wo mujhe waqt-e-sahar dete hain

aur log un se jo milte hain to KHush rahte hain

jaanne walon ka dam nak mein kar dete hain

kya guzarti hai KHuda jaane adam walon par

wan se KHat bhejte hain ye na KHabar dete hain

bosa mango to sahi hazrat-e-'gustaKH' un se

pahle wo karte hain inkar magar dete hain