pahle to ek KHwab tha KHakistar-o-KHawar ke bich
pahle to ik ḳhvāb thā ḳhākistar-o-ḳhāvar ke biich
ab añdherī shab hai haa.il us ke mere ghar ke biich
hādse jaise haiñ sab dekhe hue samjhe hue
koī hairānī nahīñ ab aañkh aur manzar ke biich
sab sipāhī apnī apnī zaat meñ masrūf the
shāhzāda ab ke tanhā hī laḌā lashkar ke biich
asr-e-hāzir ke sivā bhī kuchh zamāne aur haiñ
kuchh manāzir aur bhī haiñ āsmāñ manzar ke biich
ek ye tārīḳh hai paḌhte haiñ jis ko aaj ham
ik alag tārīḳh bhī hai raam ke bābar ke biich
lo 'qamar'-sāhab zamāna chaal apnī chal gayā
aap itnā hī chale bas ghar ke aur daftar ke biich
pahle to ek KHwab tha KHakistar-o-KHawar ke bich
ab andheri shab hai hail us ke mere ghar ke bich
hadse jaise hain sab dekhe hue samjhe hue
koi hairani nahin ab aankh aur manzar ke bich
sab sipahi apni apni zat mein masruf the
shahzada ab ke tanha hi laDa lashkar ke bich
asr-e-hazir ke siwa bhi kuchh zamane aur hain
kuchh manazir aur bhi hain aasman manzar ke bich
ek ye tariKH hai paDhte hain jis ko aaj hum
ek alag tariKH bhi hai ram ke babar ke bich
lo 'qamar'-sahab zamana chaal apni chal gaya
aap itna hi chale bas ghar ke aur daftar ke bich
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
