pahle to kabhi waqt ye hum par nahin aaya

pahle to kabhī vaqt ye ham par nahīñ aayā

ham chalte rahe chalte rahe ghar nahīñ aayā

sūraj kī hai be-ḳhabarī ki mausam kī sharārat

kyoñ saaya mire qad ke barābar nahīñ aayā

kyā log the bastī meñ ki jaltī rahī bastī

aur ghar se nikal kar koī bāhar nahīñ aayā

kyoñ valvale mahdūd hue lafz-o-bayāñ tak

kyoñ daar talak koī qad-āvar nahīñ aayā

is baar bhī kyā yūñhī guzar jā.egā sāvan

is baar bhī to peḌ pe patthar nahīñ aayā

pahle to kabhi waqt ye hum par nahin aaya

hum chalte rahe chalte rahe ghar nahin aaya

suraj ki hai be-KHabari ki mausam ki shararat

kyon saya mere qad ke barabar nahin aaya

kya log the basti mein ki jalti rahi basti

aur ghar se nikal kar koi bahar nahin aaya

kyon walwale mahdud hue lafz-o-bayan tak

kyon dar talak koi qad-awar nahin aaya

is bar bhi kya yunhi guzar jaega sawan

is bar bhi to peD pe patthar nahin aaya