پہلے تو ان کو اڑنے اڑانے کی پڑ گئی

پہلے تو ان کو اڑنے اڑانے کی پڑ گئی

پھر آسماں زمین پہ لانے کی پڑ گئی

کیا کیا گنوا دیا ہے محبت میں آج تک

اک دن مجھے حساب لگانے کی پڑ گئی

اب تک قدیم زخم حرارت میں تھے مرے

ظالم کو اپنا ظلم بڑھانے کی پڑ گئی

جدت غم حیات کی دل میں لئے ہوئے

میں رو رہا تھا اس کو ہنسانے کی پڑ گئی

اظہار عشق کرنے ہی والا تھا ان سے میں

واپس انہیں تو آتے ہی جانے پڑ گئی

میں بھی لہولہان ہوں وہ بھول ہی گیا

اس کو تو اپنا زخم دکھانے کی پڑ گئی

دم آخری ہے لب پہ مرا اس کو دوستو

اس حال میں بھی چھوڑ کے جانے کی پڑ گئی

کچھ نیکیاں بھی تو نے کمائی ہیں کیا ملکؔ

دولت تو بے شمار کمانے کی پڑ گئی