pahle to un ko uDne uDane ki paD gai

pahle to un ko uḌne uḌāne kī paḌ ga.ī

phir āsmāñ zamīn pe laane kī paḌ ga.ī

kyā kyā gañvā diyā hai mohabbat meñ aaj tak

ik din mujhe hisāb lagāne kī paḌ ga.ī

ab tak qadīm zaḳhm harārat meñ the mire

zālim ko apnā zulm baḌhāne kī paḌ ga.ī

jiddat ġham-e-hayāt kī dil meñ liye hue

maiñ ro rahā thā us ko hañsāne kī paḌ ga.ī

iz.hār-e-ishq karne hī vaalā thā un se meñ

vāpas unheñ to aate hī jaane paḌ ga.ī

maiñ bhī lahūluhān huuñ vo bhuul hī gayā

us ko to apnā zaḳhm dikhāne kī paḌ ga.ī

dam āḳhirī hai lab pe mirā us ko dosto

is haal meñ bhī chhoḌ ke jaane kī paḌ ga.ī

kuchh nekiyāñ bhī tū ne kamā.ī haiñ kyā 'malik'

daulat to be-shumār kamāne kī paḌ ga.ī

pahle to un ko uDne uDane ki paD gai

phir aasman zamin pe lane ki paD gai

kya kya ganwa diya hai mohabbat mein aaj tak

ek din mujhe hisab lagane ki paD gai

ab tak qadim zaKHm hararat mein the mere

zalim ko apna zulm baDhane ki paD gai

jiddat gham-e-hayat ki dil mein liye hue

main ro raha tha us ko hansane ki paD gai

izhaar-e-ishq karne hi wala tha un se mein

wapas unhen to aate hi jaane paD gai

main bhi lahuluhan hun wo bhul hi gaya

us ko to apna zaKHm dikhane ki paD gai

dam aaKHiri hai lab pe mera us ko dosto

is haal mein bhi chhoD ke jaane ki paD gai

kuchh nekiyan bhi tu ne kamai hain kya 'malik'

daulat to be-shumar kamane ki paD gai