pahle to ye laga mujhe us par gir gai

pahle to ye lagā mujhe us paar gir ga.ī

phir yuuñ huā ki mujh pe hī dīvār gir ga.ī

sīñchā lahū se us kā dil-e-dāġh-dār aur

mere badan meñ ḳhuun kī miqdār gir ga.ī

hone lagī hai barq se merī mumāsalat

kuchh is lihāz se mirī raftār gir ga.ī

us kī nigāh-e-nāz se lashkar bhī kaT ga.e

phir kyā ki mere haath se talvār gir ga.ī

phir zindagī kī mauj se kashtī huī tabāh

jab dast-e-nā-rasā.ī se patvār gir ga.ī

maiñ bhī mire nizām se uupar chalā gayā

vo bhī had-e-nizām se bekār gir ga.ī

pahle to ye laga mujhe us par gir gai

phir yun hua ki mujh pe hi diwar gir gai

sincha lahu se us ka dil-e-dagh-dar aur

mere badan mein KHun ki miqdar gir gai

hone lagi hai barq se meri mumasalat

kuchh is lihaz se meri raftar gir gai

us ki nigah-e-naz se lashkar bhi kaT gae

phir kya ki mere hath se talwar gir gai

phir zindagi ki mauj se kashti hui tabah

jab dast-e-na-rasai se patwar gir gai

main bhi mere nizam se upar chala gaya

wo bhi had-e-nizam se bekar gir gai