pahli nazar mein hi meri nas-nas mein rach gaya

pahlī nazar meñ hī mirī nas-nas meñ rach gayā

kyā jaane us kā kaun sā andāz jach gayā

ḳhush-fahmiyoñ ke ā.ina-ḳhānoñ meñ ab abhī

vo kaun hai jo sang-e-malāmat se bach gayā

TuuTā kab aa.ina ye kisī ko ḳhabar nahīñ

lekin shikast-e-aks se ik shor mach gayā

saare usuul muhr-ba-lab dekhte rahe

jab jhuuT kī panāh meñ har ek bach gayā

ik khurdurī fasīl-e-shab-e-ḳhvāb-zār se

phislā jo āftāb to chehra khurach gayā

kuchh is qadar shadīd thā tūfān-e-tez-rau

gahre samundaroñ kā bhī paanī ulach gayā

jis kī na taab lā sake zahrīle saañp bhī

kis tarah tujh ko 'kaif' vo zahrāb pach gayā

pahli nazar mein hi meri nas-nas mein rach gaya

kya jaane us ka kaun sa andaz jach gaya

KHush-fahmiyon ke aaina-KHanon mein ab abhi

wo kaun hai jo sang-e-malamat se bach gaya

TuTa kab aaina ye kisi ko KHabar nahin

lekin shikast-e-aks se ek shor mach gaya

sare usul muhr-ba-lab dekhte rahe

jab jhuT ki panah mein har ek bach gaya

ek khurduri fasil-e-shab-e-KHwab-zar se

phisla jo aaftab to chehra khurach gaya

kuchh is qadar shadid tha tufan-e-tez-rau

gahre samundaron ka bhi pani ulach gaya

jis ki na tab la sake zahrile sanp bhi

kis tarah tujh ko 'kaif' wo zahrab pach gaya