pahli si ab wo shoKHi guftar bhi nahin

pahlī sī ab vo shoḳhī guftār bhī nahīñ

muddat se zauq-e-naġhma-o-ash.ār bhī nahīñ

suunī paḌī hai manzil-e-dīvāngī-e-ishq

kyā ho gayā ki koī sar-e-dār bhī nahīñ

vaa.iz sharāb-noshī ke behad ḳhilāf haiñ

mil jaa.e muft kī to kuchh inkār bhī nahīñ

vo sāmne jo aa.e to nazreñ na uTh sakīñ

ab mujh meñ jaise tāqat-e-dīdār bhī nahīñ

kab hogī ḳhatm 'tāhira' shām-e-ġham-e-hayāt

ab tak numūd-e-sub.h ke āsār bhī nahīñ

pahli si ab wo shoKHi guftar bhi nahin

muddat se zauq-e-naghma-o-ashaar bhi nahin

suni paDi hai manzil-e-diwangi-e-ishq

kya ho gaya ki koi sar-e-dar bhi nahin

waiz sharab-noshi ke behad KHilaf hain

mil jae muft ki to kuchh inkar bhi nahin

wo samne jo aae to nazren na uTh sakin

ab mujh mein jaise taqat-e-didar bhi nahin

kab hogi KHatm 'tahira' sham-e-gham-e-hayat

ab tak numud-e-subh ke aasar bhi nahin