pahna libas ne hai ek ik ang dekhna

pahnā libās ne hai ik ik ang dekhnā

jism-e-hasīñ pe pairahan-e-tang dekhnā

naddī chaḌhī ki gaañv kī gorī javāñ huī

paanī meñ ghul ga.e haiñ ka.ī rang dekhnā

parbat kī shaam Dūbtā sūraj shafaq kā rang

sonā ugal rahī hai rag-e-sang dekhnā

jaatī rutoñ kī sūrat-e-arzañg bhuul kar

aate samay kā paikar-e-sad-rang dekhnā

aahaT suno havāoñ kī dahlīz-e-shām par

chup kī fazāoñ meñ bhī hai āhang dekhnā

dilchasp is qadar tire chehre kī hai kitāb

bhūlā huā huuñ dahr kī farhang dekhnā

bastī meñ kaun aa gayā jangal ko chhoḌ kar

pīchhe lage hue haiñ sag-o-sang dekhnā

pahna libas ne hai ek ek ang dekhna

jism-e-hasin pe pairahan-e-tang dekhna

naddi chaDhi ki ganw ki gori jawan hui

pani mein ghul gae hain kai rang dekhna

parbat ki sham Dubta suraj shafaq ka rang

sona ugal rahi hai rag-e-sang dekhna

jati ruton ki surat-e-arzang bhul kar

aate samay ka paikar-e-sad-rang dekhna

aahaT suno hawaon ki dahliz-e-sham par

chup ki fazaon mein bhi hai aahang dekhna

dilchasp is qadar tere chehre ki hai kitab

bhula hua hun dahr ki farhang dekhna

basti mein kaun aa gaya jangal ko chhoD kar

pichhe lage hue hain sag-o-sang dekhna