pahunch gaya jo tasawwur kisi ki mahfil tak

pahuñch gayā jo tasavvur kisī kī mahfil tak

charāġh jal ga.e goyā nigāh se dil tak

vo ajnabī sī nigāheñ utar ga.iiñ dil tak

musāfir aa ga.e bhūle se apnī manzil tak

hujūm-e-hasrat-o-armāñ kā zikr aur dil tak

pahuñch sakā na koī apne saath manzil tak

duā milī thī tabāhī kī jin safīnoñ ko

vo lauT aa.e haiñ tūfāñ ko le ke sāhil tak

vo jin kā rāh-numāoñ ne saath chhoḌ diyā

pahuñch ga.e ġham-e-manzil ko le ke manzil tak

bahut tavīl nahīñ phir bhī ai tajallī-e-dost

hazār moḌ mileñge nigāh se dil tak

tafakkurāt ulajhte rahe dimāġhoñ se

nazar bachā ke mohabbat pahuñch ga.ī dil tak

pahunch gaya jo tasawwur kisi ki mahfil tak

charagh jal gae goya nigah se dil tak

wo ajnabi si nigahen utar gain dil tak

musafir aa gae bhule se apni manzil tak

hujum-e-hasrat-o-arman ka zikr aur dil tak

pahunch saka na koi apne sath manzil tak

dua mili thi tabahi ki jin safinon ko

wo lauT aae hain tufan ko le ke sahil tak

wo jin ka rah-numaon ne sath chhoD diya

pahunch gae gham-e-manzil ko le ke manzil tak

bahut tawil nahin phir bhi ai tajalli-e-dost

hazar moD milenge nigah se dil tak

tafakkuraat ulajhte rahe dimaghon se

nazar bacha ke mohabbat pahunch gai dil tak