pahuncha diya umid ko tufan-e-yas tak

pahuñchā diyā umiid ko tūfān-e-yās tak

bujhne na dī furāt ne bachchoñ kī pyaas tak

pahle to dastaras thī shajar ke libās tak

lekin ḳhizāñ ne noch liyā sab kā maas tak

chhiḌkā gayā hai zahr daraḳhtoñ pe is qadar

talḳhī meñ Dhal ga.ī hai phaloñ kī miThās tak

is baar bhī libās ko tarseñgī chunniyāñ

ye raunaqeñ haiñ chehroñ pe khiltī kapās tak

kāġhaz pe us kī shakl banātā huuñ raat bhar

'nāsik' nahīñ huuñ jis kā maiñ chehra-shanās tak

pahuncha diya umid ko tufan-e-yas tak

bujhne na di furaat ne bachchon ki pyas tak

pahle to dastaras thi shajar ke libas tak

lekin KHizan ne noch liya sab ka mas tak

chhiDka gaya hai zahr daraKHton pe is qadar

talKHi mein Dhal gai hai phalon ki miThas tak

is bar bhi libas ko tarsengi chunniyan

ye raunaqen hain chehron pe khilti kapas tak

kaghaz pe us ki shakl banata hun raat bhar

'nasik' nahin hun jis ka main chehra-shanas tak