pai-ba-pai aaina-bandi mere uske darmiyan

pai-ba-pai ā.īna-bañdī mere us ke darmiyāñ

ik musalsal ḳhud-farebī mere us ke darmiyāñ

rishta-e-ḳhud-e'timādī mere us ke darmiyāñ

kab rahī thī ḳhush-gumānī mere us ke darmiyāñ

paidā hotā kis tarah ḳhud-e'timādī kā savāl

kab rahī thī ḳhush-gumānī mere us ke darmiyāñ

kaun ḳhiffat mol letā pesh-qadmī kartā kaun

buzdilī phailī huī thī mere us ke darmiyāñ

ajnabiyyat us ne bartī kyā burā us ne kiyā

kaun sī thī āshnā.ī mere us ke darmiyāñ

zindagī se zindagī tak ik sadī kā fāsla

ek dīvār-e-ḳhamoshī mere us ke darmiyāñ

phir bhī ham ik dūsre ko TuuT kar chāhā kiye

thī ba-zāhir sard-mehrī mere us ke darmiyāñ

ik ġhalat-fahmī ke hāthoñ umr bhar haa.il rahā

ik hisār-e-be-niyāzī mere us ke darmiyāñ

hotī 'rahmānī' bhalā sāhab salāmat kis tarah

ho sakī thī kab safā.ī mere us ke darmiyāñ

pai-ba-pai aaina-bandi mere us ke darmiyan

ek musalsal KHud-farebi mere us ke darmiyan

rishta-e-KHud-e'timadi mere us ke darmiyan

kab rahi thi KHush-gumani mere us ke darmiyan

paida hota kis tarah KHud-e'timadi ka sawal

kab rahi thi KHush-gumani mere us ke darmiyan

kaun KHiffat mol leta pesh-qadmi karta kaun

buzdili phaili hui thi mere us ke darmiyan

ajnabiyyat us ne barti kya bura us ne kiya

kaun si thi aashnai mere us ke darmiyan

zindagi se zindagi tak ek sadi ka fasla

ek diwar-e-KHamoshi mere us ke darmiyan

phir bhi hum ek dusre ko TuT kar chaha kiye

thi ba-zahir sard-mehri mere us ke darmiyan

ek ghalat-fahmi ke hathon umr bhar hail raha

ek hisar-e-be-niyazi mere us ke darmiyan

hoti 'rahmani' bhala sahab salamat kis tarah

ho saki thi kab safai mere us ke darmiyan