paikar-e-sang-o-ahang jaisa tanha khaDa hun waise to
paikar-e-sañg-o-āhañg jaisā tanhā khaḌā huuñ vaise to
andar TuuTā phūTā huuñ sālim lagtā huuñ vaise to
zehn kī āñkhoñ par dānista paTTī bāñdhe baiThā huuñ
sab kuchh dekh rahā huuñ sab kuchh samajh rahā huuñ vaise to
kal gumnāmī kī gahrī khaa.ī meñ bhī gir saktā huuñ
shohrat kī ūñchī choTī par aaj khaḌā huuñ vaise to
bas ik munāfiqat hai jis kī ne.amat se mahrūm huuñ maiñ
mere yaaro maiñ bhī bilkul tum jaisā huuñ vaise to
apne badan kī qaid se lekin chhuTkārā nā-mumkin hai
bāhar kī saarī dīvāreñ toḌ chukā huuñ vaise to
jo tārīkī mere apne andar thī so qaa.em hai
galiyoñ galiyoñ chāñd sitāre baañT rahā huuñ vaise to
paikar-e-sang-o-ahang jaisa tanha khaDa hun waise to
andar TuTa phuTa hun salim lagta hun waise to
zehn ki aankhon par danista paTTi bandhe baiTha hun
sab kuchh dekh raha hun sab kuchh samajh raha hun waise to
kal gumnami ki gahri khai mein bhi gir sakta hun
shohrat ki unchi choTi par aaj khaDa hun waise to
bas ek munafiqat hai jis ki neamat se mahrum hun main
mere yaro main bhi bilkul tum jaisa hun waise to
apne badan ki qaid se lekin chhuTkara na-mumkin hai
bahar ki sari diwaren toD chuka hun waise to
jo tariki mere apne andar thi so qaem hai
galiyon galiyon chand sitare banT raha hun waise to
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
