paimana tere lab hain aankhen teri mai-KHana
paimāna tire lab haiñ āñkheñ tirī mai-ḳhāna
jis ne bhī tujhe dekhā terā huā dīvāna
is tarah badal jaanā ik pal meñ tirā saaqī
har shaḳhs bulātā hai kah kar tujhe begāna
mash.hūr zamāne meñ hai dariyā-dilī terī
ik jaam de mujh ko bhī ai sāqī-e-mastāna
ai sham.a terī lau meñ vo kaun sī ḳhūbī hai
jo tujh se gale mil kar jal jaatā hai parvāna
jo paas hai 'sāgar' ke sab kuchh hai tirā saaqī
jaañ bhī tirā tohfa hai dil bhī tirā nazrāna
paimana tere lab hain aankhen teri mai-KHana
jis ne bhi tujhe dekha tera hua diwana
is tarah badal jaana ek pal mein tera saqi
har shaKHs bulata hai kah kar tujhe begana
mashhur zamane mein hai dariya-dili teri
ek jam de mujh ko bhi ai saqi-e-mastana
ai shama teri lau mein wo kaun si KHubi hai
jo tujh se gale mil kar jal jata hai parwana
jo pas hai 'sagar' ke sab kuchh hai tera saqi
jaan bhi tera tohfa hai dil bhi tera nazrana
- Book : Anoop Jalota ki Ghazalen (Pg. 23)
- Author : Anoop Jalota
- Publication : Daimond Pocket Books, Daryaganj
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
