paimane mein ab mere wafa kaun bharega

paimāne meñ ab mere vafā kaun bharegā

ai jān-e-vafā tū hī batā kaun bharegā

ye baat ajab hai ki tujhe bhuul sakūñgā

dam terī vafāoñ se sivā kaun bharegā

huuñ tishna-lab-e-āb-e-baqā shauq-e-baqā sun

kuuze meñ mire āb-e-baqā kaun bharegā

be-rañg sī tasvīr huuñ ik tere binā maiñ

tasvīr meñ ab rang nayā kaun bharegā

shāmeñ mirī rangīn rahīñ dil ke jahāñ kī

tāroñ se mire dil kā ḳhalā kaun bharegā

ai tund havāo use kah do ye ḳhudārā

jo terī thī vo ḳhālī jagah kaun bharegā

paimane mein ab mere wafa kaun bharega

ai jaan-e-wafa tu hi bata kaun bharega

ye baat ajab hai ki tujhe bhul sakunga

dam teri wafaon se siwa kaun bharega

hun tishna-lab-e-ab-e-baqa shauq-e-baqa sun

kuze mein mere aab-e-baqa kaun bharega

be-rang si taswir hun ek tere bina main

taswir mein ab rang naya kaun bharega

shamen meri rangin rahin dil ke jahan ki

taron se mere dil ka KHala kaun bharega

ai tund hawao use kah do ye KHudara

jo teri thi wo KHali jagah kaun bharega