پیروں میں کئی زخم ہیں چہرے پہ تھکن ہے

پیروں میں کئی زخم ہیں چہرے پہ تھکن ہے

مزدور کے ماتھے پہ پسینہ نہ شکن ہے

موسم ہے بہاروں کا عجب سی یہ گھٹن ہے

زخمی مرے گلزار کے ہر پھول کا تن ہے

اللہ کی قسم ہم ہیں محبت کے پجاری

سجدے بھی ہمارے ہیں ہمارا ہی بھجن ہے

مر کر بھی مری روح سے آئے گی یہ آواز

یہ میرا وطن میرا وطن میرا وطن ہے

کرتے ہی نہیں لوگ بزرگوں سے کوئی بات

کہتے ہیں پرانے کہاں سکوں کا چلن ہے

رہ جائے گی رکھی ہوئی دنیا کی تمنا

ارشدؔ تری قسمت میں اگر تیرا وطن ہے