palaT ke milne ka wada kare to ruk jaun

palaT ke milne kā va.ada kare to ruk jā.ūñ

zarā sī terī mohabbat mile to ruk jā.ūñ

ḳhayāl-o-ḳhvāb kī duniyā se tum nikal aao

haqīqatoñ kā koī dar khule to ruk jā.ūñ

ajab safar hai ki sāmān-e-dil-lagī bhī nahīñ

tire badan kī harārat mile to ruk jā.ūñ

tire sivā nahīñ koī bhī chārasāz mirā

fasāna-e-ġham-e-dil tū sune to ruk jā.ūñ

maiñ nafratoñ ke añdhere meñ huuñ qayām-pazīr

tumhāre pyaar kā sūraj uge to ruk jā.ūñ

har ek samt hai 'ajmal' adāvatoñ kā samāñ

vafā ḳhulūs kā dariyā bahe to ruk jā.ūñ

palaT ke milne ka wada kare to ruk jaun

zara si teri mohabbat mile to ruk jaun

KHayal-o-KHwab ki duniya se tum nikal aao

haqiqaton ka koi dar khule to ruk jaun

ajab safar hai ki saman-e-dil-lagi bhi nahin

tere badan ki hararat mile to ruk jaun

tere siwa nahin koi bhi chaarasaz mera

fasana-e-gham-e-dil tu sune to ruk jaun

main nafraton ke andhere mein hun qayam-pazir

tumhaare pyar ka suraj uge to ruk jaun

har ek samt hai 'ajmal' adawaton ka saman

wafa KHulus ka dariya bahe to ruk jaun