palken ujaD dil hai bujha ruh so gai

palkeñ ujaaḌ dil hai bujhā ruuh so ga.ī

ro.e hue bhī yaaro bahut der ho ga.ī

ik vo sadā thī apne to jiine kā hausla

is zindagī ke shor meñ ab vo bhī kho ga.ī

aa.ī to jaise hone lagā matla-e-ġhazal

baiThī to jaise nazm kī takmīl ho ga.ī

kahte the ab na ā.eñge nazroñ ke jaal meñ

mauj-e-nasīm zehn se har azm dho ga.ī

kho.e haiñ us ke sehr meñ hī ahl-e-kārvāñ

us kī nazar jo vaqt-e-safar rañg bo ga.ī

uf ye diloñ meñ phaile ḳhalāoñ kī vus.ateñ

kaise kaheñ ḳhalāoñ kī tasḳhīr ho ga.ī

maiñ huuñ shikār-e-fitna-e-ehsās-e-rañg 'shām'

kis tarah ek jism kī taqsīm ho ga.ī

palken ujaD dil hai bujha ruh so gai

roe hue bhi yaro bahut der ho gai

ek wo sada thi apne to jine ka hausla

is zindagi ke shor mein ab wo bhi kho gai

aai to jaise hone laga matla-e-ghazal

baiThi to jaise nazm ki takmil ho gai

kahte the ab na aaenge nazron ke jal mein

mauj-e-nasim zehn se har azm dho gai

khoe hain us ke sehr mein hi ahl-e-karwan

us ki nazar jo waqt-e-safar rang bo gai

uf ye dilon mein phaile KHalaon ki wusaten

kaise kahen KHalaon ki tasKHir ho gai

main hun shikar-e-fitna-e-ehsas-e-rang 'sham'

kis tarah ek jism ki taqsim ho gai