parae logon ne tai kar liya safar mera

parā.e logoñ ne tai kar liyā safar merā

ki mere paañv se lipTā rahā hai ghar merā

maiñ umr bhar kā sukūñ de ke bhī rahā maqrūz

vo sūd-ḳhor-e-mohabbat hai bār-e-sar merā

maiñ terī umr ke har ruup kī amānat huuñ

ki pal rahā hai tirī siip meñ guhar merā

vo be-sutūñ bhī mirī zaat jū-e-shīr bhī maiñ

mujhe ujaaḌ gayā tesha-e-hunar merā

vo merā ho ke bhī zāhir nahīñ huā mujh par

ye iḳhtilāf rahā us se umr bhar merā

parae logon ne tai kar liya safar mera

ki mere panw se lipTa raha hai ghar mera

main umr bhar ka sukun de ke bhi raha maqruz

wo sud-KHor-e-mohabbat hai bar-e-sar mera

main teri umr ke har rup ki amanat hun

ki pal raha hai teri sip mein guhar mera

wo be-sutun bhi meri zat ju-e-shir bhi main

mujhe ujaD gaya tesha-e-hunar mera

wo mera ho ke bhi zahir nahin hua mujh par

ye iKHtilaf raha us se umr bhar mera