paran piritam pe war kar dekho

parān pirītam pe vaar kar dekho

sar se gaThrī utaar kar dekho

vo yam-e-zāt ho ki rūd-e-furāt

koī dariyā to paar kar dekho

puus kī os se badan dho kar

maas ko mushk-bār kar dekho

mushk thā mū-burīda hāthoñ se

sar ko kāñdhoñ pe baar kar dekho

suno jañgal meñ panchhiyoñ kī sadā

bahte dariyā se pyaar kar dekho

oḌh kar tan pe tishnagī kī ridā

man ko mohan ke dvaar kar dekho

ho ke miTTī miTo sajan ke liye

mar ke marqad nikhār kar dekho

utro bachpan ke nardbāñ se phir

ban meñ chiḌiyoñ ko maar kar dekho

karbalā ke jarī jiyāle log

ḳhud ko un meñ shumār kar dekho

ma.arifat kyā hai jaan jāoge

is pe tan man nisār kar dekho

lab pe āvāz-e-haq rahe qaa.em

jañg jiito ki haar kar dekho

qayās ban-bās sab saphal hoñge

saada ko sudh siñghār kar dekho

māñgo shabbīr kī shanāsā.ī

ġham pe mat inhisār kar dekho

paran piritam pe war kar dekho

sar se gaThri utar kar dekho

wo yam-e-zat ho ki rud-e-furaat

koi dariya to par kar dekho

pus ki os se badan dho kar

mas ko mushk-bar kar dekho

mushk tha mu-burida hathon se

sar ko kandhon pe bar kar dekho

suno jangal mein panchhiyon ki sada

bahte dariya se pyar kar dekho

oDh kar tan pe tishnagi ki rida

man ko mohan ke dwar kar dekho

ho ke miTTi miTo sajan ke liye

mar ke marqad nikhaar kar dekho

utro bachpan ke nardban se phir

ban mein chiDiyon ko mar kar dekho

karbala ke jari jiyale log

KHud ko un mein shumar kar dekho

marifat kya hai jaan jaoge

is pe tan man nisar kar dekho

lab pe aawaz-e-haq rahe qaem

jang jito ki haar kar dekho

qayas ban-bas sab saphal honge

sada ko sudh singhaar kar dekho

mango shabbir ki shanasai

gham pe mat inhisar kar dekho