parda ruKH-e-fitrat se haTa kar nahin dekha

parda ruḳh-e-fitrat se haTā kar nahīñ dekhā

manzar pe nazar thī pas-e-manzar nahīñ dekhā

ansār ke ḳhanjar pe muhājir kā lahū hai

tārīḳh ne aisā kabhī manzar nahīñ dekhā

patthar kī siyāsat se jo mahfūz rahā ho

aisā kisī shīshe kā muqaddar nahīñ dekhā

thī dastaras-e-fikr meñ vo sā.at-e-ḳhush-rañg

ḳhushbū kā badan thā use chhū kar nahīñ dekhā

vo shahr ke hañgāmoñ meñ ḳhāmosh khaḌī hai

shāyad shab-e-hijrāñ ne mirā ghar nahīñ dekhā

tarshe to sanam pighle to shīshe kī nazākat

ai kam-nazro tum ne vo patthar nahīñ dekhā

jhukne nahīñ detī hai anā tishna-labī ko

dariyā kī taraf maiñ ne palaT kar nahīñ dekhā

hai us ko bahut quvvat-e-bāzū pe bharosā

dariyā ke shanāvar ne samundar nahīñ dekhā

hai ġham hī se labrez to phir kaisī masarrat

kyā tū ne mirā zarf-e-muqaddar nahīñ dekhā

parda ruKH-e-fitrat se haTa kar nahin dekha

manzar pe nazar thi pas-e-manzar nahin dekha

ansar ke KHanjar pe muhajir ka lahu hai

tariKH ne aisa kabhi manzar nahin dekha

patthar ki siyasat se jo mahfuz raha ho

aisa kisi shishe ka muqaddar nahin dekha

thi dastaras-e-fikr mein wo saat-e-KHush-rang

KHushbu ka badan tha use chhu kar nahin dekha

wo shahr ke hangamon mein KHamosh khaDi hai

shayad shab-e-hijran ne mera ghar nahin dekha

tarshe to sanam pighle to shishe ki nazakat

ai kam-nazro tum ne wo patthar nahin dekha

jhukne nahin deti hai ana tishna-labi ko

dariya ki taraf main ne palaT kar nahin dekha

hai us ko bahut quwwat-e-bazu pe bharosa

dariya ke shanawar ne samundar nahin dekha

hai gham hi se labrez to phir kaisi masarrat

kya tu ne mera zarf-e-muqaddar nahin dekha