parde mein har aawaz ke shamil to wahi hai

parde meñ har āvāz ke shāmil to vahī hai

maiñ laakh badal jā.ūñ magar dil to vahī hai

kuchh farq nahīñ dair-o-haram meñ dil-e-nādāñ

mahfil ho koī raunaq-e-mahfil to vahī hai

har rang har āvāz har ik shakl-e-hasīñ meñ

hai koī agar pyaar ke qābil to vahī hai

mahsūs jo hotā hai dikhā.ī nahīñ detā

dil aur nazar meñ had-e-fāsil to vahī hai

zarroñ meñ dhaḌakte hue dil dekhe haiñ jis ne

insān kī tauqīr ke qābil to vahī hai

sad-shukr ki har haal meñ jiite haiñ yahāñ log

hāsil na sahī kāvish-e-hāsil to vahī hai

'jagdīsh' tire lutf se mahrūm nahīñ hai

lekin dil-e-betāb kī mushkil to vahī hai

parde mein har aawaz ke shamil to wahi hai

main lakh badal jaun magar dil to wahi hai

kuchh farq nahin dair-o-haram mein dil-e-nadan

mahfil ho koi raunaq-e-mahfil to wahi hai

har rang har aawaz har ek shakl-e-hasin mein

hai koi agar pyar ke qabil to wahi hai

mahsus jo hota hai dikhai nahin deta

dil aur nazar mein had-e-fasil to wahi hai

zarron mein dhaDakte hue dil dekhe hain jis ne

insan ki tauqir ke qabil to wahi hai

sad-shukr ki har haal mein jite hain yahan log

hasil na sahi kawish-e-hasil to wahi hai

'jagdish' tere lutf se mahrum nahin hai

lekin dil-e-betab ki mushkil to wahi hai