parde mein har aawaz ke shamil to wahi hai

parde meñ har āvāz ke shāmil to vahī hai

ham laakh badal jaa.eñ magar dil to vahī hai

mauzū-e-suḳhan hai vahī afsāna-e-shīrīñ

mahfil ho koī raunaq-e-mahfil to vahī hai

mahsūs jo hotā hai dikhā.ī nahīñ detā

dil aur nazar meñ had-e-fāzil to vahī hai

har chand tire lutf se mahrūm nahīñ ham

lekin dil-e-betāb kī mushkil to vahī hai

girdāb se nikle bhī to jā.eñge kahāñ ham

Duubī thī jahāñ naav ye sāhil to vahī hai

luT jaate haiñ din ko bhī jahāñ qāfile vaale

hushiyār musāfir ki ye manzil to vahī hai

vo rañg vo āvāz vo saj aur vo sūrat

sach kahte ho tum pyaar ke qābil to vahī hai

sad-shukr ki is haal meñ jiite to haiñ 'nāsir'

hāsil na sahī kāvish-e-hāsil to vahī hai

parde mein har aawaz ke shamil to wahi hai

hum lakh badal jaen magar dil to wahi hai

mauzu-e-suKHan hai wahi afsana-e-shirin

mahfil ho koi raunaq-e-mahfil to wahi hai

mahsus jo hota hai dikhai nahin deta

dil aur nazar mein had-e-fazil to wahi hai

har chand tere lutf se mahrum nahin hum

lekin dil-e-betab ki mushkil to wahi hai

girdab se nikle bhi to jaenge kahan hum

Dubi thi jahan naw ye sahil to wahi hai

luT jate hain din ko bhi jahan qafile wale

hushiyar musafir ki ye manzil to wahi hai

wo rang wo aawaz wo saj aur wo surat

sach kahte ho tum pyar ke qabil to wahi hai

sad-shukr ki is haal mein jite to hain 'nasir'

hasil na sahi kawish-e-hasil to wahi hai