parde parde mein ye kar leti hain rahen kyunkar
parde parde meñ ye kar letī haiñ rāheñ kyūñkar
paar ho jaatī haiñ siine kī nigāheñ kyūñkar
dil meñ aane kī nikal aatī haiñ rāheñ kyūñkar
uupar uTh jaatī haiñ vo nīchī nigāheñ kyūñkar
kar liyā karte the dil khol ke aaheñ kyūñkar
ab ye ronā hai karāheñ to karāheñ kyūñkar
gudgudāne nahīñ aatī haiñ sar-e-bām tumheñ
'arsh par kheltī haiñ jā ke ye aaheñ kyūñkar
nikleñ ghūñghaT meñ ye mizhgāñ ke jo nikleñ bhī kabhī
shoḳh ho jaatī haiñ sharmīlī nigāheñ kyūñkar
tū bhī jaane ki milā chāhne vaalā tujh ko
tū batā de tire sadqe tujhe chāheñ kyūñkar
kyā ḳhabar hai tujhe o chain se sone vaale
ki dam-e-sard banā kartī hai aaheñ kyūñkar
tuur vaalo se lab-e-bām haiñ aane vaale
dekheñ laḌtī haiñ nigāhoñ se nigāheñ kyūñkar
shauq idhar sharm udhar baat na.ī raat na.ī
dekheñ miltī haiñ nigāhoñ se nigāheñ kyūñkar
ye umañgeñ ye tarañgeñ ye javānī ye shabāb
tauba kar ke ye batāo ki nibāheñ kyūñkar
sharm ke putle ko aa jaatī hai kyūñkar shoḳhī
bijliyāñ bantī haiñ sharmīlī nigāheñ kyūñkar
ham 'riyāz' auroñ se ḳhuddār sivā haiñ lekin
rah ke māshūqoñ meñ ham vaz' nibāheñ kyūñkar
parde parde mein ye kar leti hain rahen kyunkar
par ho jati hain sine ki nigahen kyunkar
dil mein aane ki nikal aati hain rahen kyunkar
upar uTh jati hain wo nichi nigahen kyunkar
kar liya karte the dil khol ke aahen kyunkar
ab ye rona hai karahen to karahen kyunkar
gudgudane nahin aati hain sar-e-baam tumhein
'arsh par khelti hain ja ke ye aahen kyunkar
niklen ghunghaT mein ye mizhgan ke jo niklen bhi kabhi
shoKH ho jati hain sharmili nigahen kyunkar
tu bhi jaane ki mila chahne wala tujh ko
tu bata de tere sadqe tujhe chahen kyunkar
kya KHabar hai tujhe o chain se sone wale
ki dam-e-sard bana karti hai aahen kyunkar
tur walo se lab-e-baam hain aane wale
dekhen laDti hain nigahon se nigahen kyunkar
shauq idhar sharm udhar baat nai raat nai
dekhen milti hain nigahon se nigahen kyunkar
ye umangen ye tarangen ye jawani ye shabab
tauba kar ke ye batao ki nibahen kyunkar
sharm ke putle ko aa jati hai kyunkar shoKHi
bijliyan banti hain sharmili nigahen kyunkar
hum 'riyaz' auron se KHuddar siwa hain lekin
rah ke mashuqon mein hum waz' nibahen kyunkar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
