pari uD jaegi aur rajdhani KHatm hogi
parī uḌ jā.egī aur rājdhānī ḳhatm hogī
ye āñkheñ band hote hī kahānī ḳhatm hogī
kisī sandūq meñ dīmak-zada ḳhat dekhte hī
kahā dil ne ab us kī har nishānī ḳhatm hogī
use ye shauq gahrī dhund lipTe har shajar se
mujhe ye fikr kaise bad-gumānī ḳhatm hogī
ḳhabar kab thī tilism aisā hai is bhīgī nazar meñ
yakāyak jism se ḳhuuñ kī ravānī ḳhatm hogī
zamīñ par āsmāñ hote parinde jaan leñge
sitāroñ par bhī āḳhir hukmarānī ḳhatm hogī
hamārī raah meñ baiThegī kab tak terī duniyā
kabhī to is zuleḳhā kī javānī ḳhatm hogī
ḳhudā jaane kahāñ TuuTe masāfat kā tasalsul
par itnā jānte haiñ be-makānī ḳhatm hogī
pari uD jaegi aur rajdhani KHatm hogi
ye aankhen band hote hi kahani KHatm hogi
kisi sanduq mein dimak-zada KHat dekhte hi
kaha dil ne ab us ki har nishani KHatm hogi
use ye shauq gahri dhund lipTe har shajar se
mujhe ye fikr kaise bad-gumani KHatm hogi
KHabar kab thi tilism aisa hai is bhigi nazar mein
yakayak jism se KHun ki rawani KHatm hogi
zamin par aasman hote parinde jaan lenge
sitaron par bhi aaKHir hukmarani KHatm hogi
hamari rah mein baiThegi kab tak teri duniya
kabhi to is zuleKHa ki jawani KHatm hogi
KHuda jaane kahan TuTe masafat ka tasalsul
par itna jaante hain be-makani KHatm hogi
- Book : Anaa-ul-Ishq (Pg. 100)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
