parinda qaid mein kul aasman bhul gaya
parinda qaid meñ kul āsmān bhuul gayā
rihā to ho gayā lekin uḌaan bhuul gayā
mire shikār ko tarkash meñ tiir laayā magar
vo merī jaan kā dushman kamān bhuul gayā
use to yaad hai saarā jahān mere sivā
maiñ us kī yaad meñ saarā jahān bhuul gayā
vo shaḳhs zindagī bhar kā thakā huā thā magar
jo paañv qabr meñ rakkhe thakān bhuul gayā
ġharīb-e-shahr ne rakkhī hai aabrū varna
amīr-e-shahr to urdu zabān bhuul gayā
tamām shahr kā naqsha banāne vaalā 'razā'
junūn-e-shauq meñ apnā makān bhuul gayā
parinda qaid mein kul aasman bhul gaya
riha to ho gaya lekin uDan bhul gaya
mere shikar ko tarkash mein tir laya magar
wo meri jaan ka dushman kaman bhul gaya
use to yaad hai sara jahan mere siwa
main us ki yaad mein sara jahan bhul gaya
wo shaKHs zindagi bhar ka thaka hua tha magar
jo panw qabr mein rakkhe thakan bhul gaya
gharib-e-shahr ne rakkhi hai aabru warna
amir-e-shahr to urdu zaban bhul gaya
tamam shahr ka naqsha banane wala 'raza'
junun-e-shauq mein apna makan bhul gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
