پرندے بھی سبھی مجھ پر محبت یوں لٹاتے ہیں

پرندے بھی سبھی مجھ پر محبت یوں لٹاتے ہیں

مری خاطر زمیں پر آسماں لا کر بچھاتے ہیں

ہماری شاعری کو جب بھی وہ گل رنگ کہتی ہے

حسیں لہجے سے اس کے ہم تو گلدستے بناتے ہیں

کئی زخموں کے مرہم زندگی بھر ڈھونڈھتے ہیں ہم

کئی زخموں کو ساری عمر سینہ سے لگاتے ہیں

ہمیشہ ایک تجھ سا بے وفا کردار کھلتا ہے

کبھی جب یار جھوٹے عشق کے قصہ سناتے ہیں

نہ کوئی ہم سفر اپنا نہ کوئی بام و در اپنا

بتانی کس طرح تھی زندگی کیسے بتاتے ہیں